..
O Club Baloncesto Seis do Nadal - Coia xogará esta fin de semana no pavillón de Navia a décimo segunda xornada da Liga EBA da presente tempada 2016/17. O encontro será o sábado 14 de xaneiro do 2017 ás 18:30 horas no pavillón de Navia ante oInnova Chef de Zamora.
..
O equipo Sénior Masculino de Liga EBA volverá ao pavillón de Navia, despois do parón competitivo do Nadal, buscando a súa primeira vitoria no que será a décimo segunda xornada da competición. A primeira vitoria do noso equipo, histórica para a entidade, pode chegar ante o Innova Chef, equipo que ocupa a décima posición da clasificación cun balance de catro vitorias e sete derrotas.
..
Desde tódolos estamentos da entidade convidamos a toda a familia que forma parte do Club Baloncesto Seis do Nadal Coia a asistir a este novo partido da Liga EBA e a apoiar ao noso equipo nesta nova xornada. Agardámosvos a todos e a todas (xogadores e xogadoras, adestradores e adestradoras, amigos e familiares) o próximo sábado 14 de xaneiro ás 18:30 horas no polideportivo de Navia.
..
XOGA CON NÓS NA LIGA EBA!